Güney Azərbaycan çağdaş ədəbiyyatının müasir üslubda yazan gənc türk şairi Elmira Kərimi 32 yaşında dünyasını dəyişib.

Axar.az xəbər verir ki, onun ölümünə bir müddətdir mübarizə apardığı xərçəng xəstəliyi səbəb olub.

1984-cü ilin 26 fevralında İranın Qərbi Azərbaycan vilayətinin Səlmas şəhərində anadan olan Kərimi Həmədan Universitetinin Kitabxanaçılıq fakültəsini bitirib. Elmira Azərbaycan türkcəsində şeirləri ilə ədəbiyyatsevərlərin diqqətini çəkib. Yaradıcılığının əsas mövzuları qadın hüquqsuzluğu və dünya hadisələri ilə insan varlığının qarşılaşdırması olub.

32 yaşında dünyasını dəyişən gənc şairənin son şeirini təqdim edirik:

***

Bizdən sonra dünya necə olacaq?

Heç bilmirəm günəş hər səhər doğacaq yenidən?

Yaşamla doludur hər yer,

Bir tək bizik qaranlıqlar içində.

Dərin bir yuxuya gömülüb

Unudulmağa tapşırılacağıq həyatın içində.