Fələstin ABŞ-ın eks-prezidenti Barak Obamanın ayırdığı 221 milyon dollarlı yardımı əldə edib.

Axar.az xəbər verir ki, bunu jurnalistlərə açıqlamasında Fələstin rəhbərinin strateji məsələlər üzrə müşaviri Husam Zomlot söyləyib.

“Obama administrasiyasının sonuncu yardımını almışıq. Onlar artıq pulu yollayıblar”, – deyə o bildirib.

Qeyd edək ki, Obama prezidentlik səlahiyyətinin bitməsinə saatlar qalmış Fələstinə 221 milyon dollar yardım ayrılması barədə qərarı imzalamışdı. Dünən isə “Tayms of İsrail” qəzeti Trampın Fələstinə ayrılan 221 milyon dolları ərəblərə verməkdən imtina etdiyi haqqında informasiya yaymışdı.