Prezidenti Donald Tramp 18 sentyabrda Nyu Yorkda keçirilməsi nəzərdə tutulan görüş çərçivəsində dünya liderləri ilə BMT-də islahatlar keçirilməsi məsələsini müzakirə edəcək.

Axar.az xəbər verir ki, liderlər Nyu Yorkdakı görüşə yalnız BMT rəhbəri Antonio Quterreşə ünvanlanacaq 10 maddədən ibarət “effektiv islahatlara başlamaq” adlı deklarasiyanı imzalaması şərti ilə dəvət olunacaq.

“Biz BMT baş katibinin humanitar yardım, sülh təşəbbüslərinin inkişafı və qorunması ilə bağlı işləri daha yaxşı koordinasiya etmək üçün BMT çərçivəsində konkret dəyişikliklər etmək səylərini dəstəkləyirik”, - deklarasiya layihəsində deyilir.

Qeyd edək ki, ABŞ Prezidenti Donald Tramp BMT-ni sərt şəkildə tənqid edərək, hazırda qurumun sadəcə yoldaşlıq görüşlərinin keçirildiyi bir məkanı xatırlatdığını bildirmişdi.