Yuxarı

Kamal Abdullanın kitabı Londonda təqdim olundu

Ana səhifə
12 Punto 14 Punto 16 Punto 18 Punto

"Tərcümə prosesində mən Azərbaycan tarixini, mədəniyyətini, dilini daha yaxşı öyrəndim".

Bu sözləri noyabrın 26-da Londondakı "Voterstones" kitab evində Kamal Abdullanın "Yarımçıq əlyazma" romanının ingilis dilinə tərcüməsinin təqdimat mərasimində tərcüməçi Anna Tomson səsləndirib.

Xanım Tomson çox dərin struktura malik əsəri tərcümə etməyin asan olmadığını deyib:

"Bu əsəri tərcümə etdiyim üçün qürur hissi keçirirəm. Təzəlikdə Kamal Abdullanın başqa bir əsərini— "Sehrbazlar dərəsi" romanını da tərcümə etmişəm və güman edirəm ki, britaniyalı və ümumiyyətlə, ingilisdilli oxucu yaxın zamanda bu maraqlı əsərlə də tanış ola biləcək".

Təqdimat mərasimini Avropa Azərbaycan Cəmiyyəti təşkil edib.

Mərasimə London sənət elitası, tənqidçilər, ədəbiyyatçılar, teatrşünaslar qatılıb.

Tədbir zamanı Kamal Abdulla və kitabın tərcüməçisi Anna Tomsonun təqdimatları olub.

Kamal Abdulla və Anna Tomson mərasim iştirakçılarının suallarını cavablandırıb.

Yazıçı əsərin tərcüməçisi AnnaTomsona, kitabın ön söz yazarı amerikalı professor Maks Statkeviçə, Avropa Azərbaycan Cəmiyyətinə, mərasimə toplaşan hər kəsə, Azərbaycanın Böyük Britaniyadakı səfiri Fəxrəddin Qurbanova təşəkkür edib.

Kamal Abdulla "Yarımçıq əlyazma"nın xarici dillərə tərcümə prosesinin dayanmadığını, hazırda romanın italyan dilinə tərcümə prosesində olduğunu da bildirib.

ALOFF teatrının aktyorları əsərdən səhnələr ifa edib.

Sonda müəllif "Yarımçıq əlyazma" romanını oxucular üçün imzalayıb.

Tarix
2013.11.28 / 00:10
Müəllif
Axar.az
Şərhlər
Digər xəbərlər

Bayramov Xalid əl-Ənanini qəbul etdi

Fransa əleyhinə aksiya: əsas loqo "Dəmir yumruq" oldu

Daha 3 min rus hərbçisi Qarabağa gətirilir?

İrəvanla Bakı arasında möhkəm və uzunmüddətli sülh...

Qafqazda sülhün təmin edilməsi üçün... - Pronk

Ermənilər Tovuzu atəşə tutdu: Ordumuz cavab verdi

Buna qarşı təcili tədbirlərin görülməsinə ehtiyac var - XİN

Prezidentin nümayəndəsi Sloveniya rəsmiləri ilə görüşdü

Tacikistan prezidenti Azərbaycana gələcək

Ceyhun Bayramov tacikistanlı həmkarı ilə görüşdü

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla