2024.07.26. 23:06

Rusiyanın Çelyabinsk vilayətindəki Kialimskoye su anbarında bənd dağılıb.

Axar.az xəbər verir ki, bu barədə Rusiya Fövqəladə Hallar Nazirliyinin regional bölməsi məlumat yayıb.

Məlumata görə, bəndin dağılması ilə əlaqədar Kialim, Muxametovo, Baydaşevo və Karaseov kəndlərinin sakinlərinə təxliyəyə hazır olmaq, zəruri əşyalar və sənədləri toplamaq tövsiyə olunub. Qarabaş şəhər məhəlləsində su təchizatında məhdudiyyətlər ola bilər.

Bildirilir ki, hazırda Rusiya Fövqəladə Hallar Nazirliyi və kommunal xidmətlər hadisə yerinə cəlb olunub.

***

Yaşayış ərazilərini su basması səbəbindən ümumilikdə 163 nəfər evakuasiya edilib. Onlardan 21-i uşaqdır.

Kənd sakinləri müvəqqəti olaraq Karabaş şəhərində sığınacaqda yerləşirilib.