Qış mövsümünə keçidlə əlaqədar Zaqatala Rayon Polis Şöbəsinin Dövlət Yol Polisi Bölməsi gücləndirilmiş iş rejiminə keçib. Bölmə əməkdaşları tərəfindən nəqliyyatın sıx hərəkət etdiyi yollarda reydlər keçirilib. Qayda pozuntusuna yol verən sürücülər cəzalandırılıb.

Axar.az xəbər verir ki, reydlər zamanı əsasən avtomobillərdə görüntünü məhdudlaşdıran pərdə və plyonkalar sökülüb. Məqsəd havaların yağmurlu və dumanlı keçdiyi qış mövsümündə qəza təhlükələrini önləməkdir.

Bəzi sürücülər bununla bağlı polisin xəbərdarlığına məhəl qoymayıb. Belə sürücülər cəzalandırılıb, inzibati protokol tərtib edilib.

Reydlər zamanı digər qanun pozuntuları da aşkar olunub. Avtomobillərdə əlavə qurğular quraşdıran, təhlükəsizlik kəmərindən istifadə etməyən və bu kimi qayda pozan sürücülər də cəza tədbirlərindən yayına bilməyib. Bu reydlərin davamlı olaraq keçirilməsi nəzərdə tutulur.

Axar.az RegionTV-yə istinadən reyddən görüntüləri təqdim edir: