Avropa Oyunları ərəfəsində ölkəmizdəki teatrlarda xarici qonaqlar üçün tamaşalar səhnələşdirilir. Dünən Azərbaycan Dövlət Musiqili Teatrında J.B.Molyerin "Skapenin kələkləri" tamaşası nümayiş olunub.

Teatrın mətbuat xidmətindən Axar.az-a verilən məlumata görə, I Avropa Oyunları ilə əlaqədar Azərbaycana gəlmiş əcnəbi qonaqlar – Almaniyadan, Rusiyadan və Ukraynadan olan turistlər də tamaşanı izləyiblər.

Söhbət zamanı qonaqlar tamaşadan razı qaldıqlarını bildiriblər:

"Teatrınızın çox unikal və möhtəşəm binası var, heyran qalmışıq. Tamaşanı izlədikcə bizə elə gəlirdi ki, sanki Avropanın ən inkişaf etmiş ölkələrindən birinin teatr salonundayıq. Azərbaycan Avropada ən çox inkişaf etmiş ölkələrdən biridir. Elə təkcə I Avropa Oyunlarının açılış mərasimi bunun əyani sübutudur".

Qeyd edək ki, tamaşada rolları əməkdar artist Boris Qrafkin, aktyorlar Emil Heydərov, Marina Litvinenko, Nadejda Povelisina və başqaları ifa ediblər.