Bu gecə Braziliyada dünya çempionatında A qrupunun ilk mərhələsinin son matçı keçiriləcək. B qrupunda isə mübarizəyə start verilir.

Axar.az xəbər verir ki, A qrupunun ikinci qarşılaşmasında Meksika və Kamerun milliləri görüşəcək.

B qrupunun mərkəzi görüşü isə İspaniya və Hollandiya arasında baş tutacaq. Bu komandalar 2010-cu ildə DÇ-nin finalında da üz-üzə gəlib. Həmin görüşdə İspaniya yeganə qol ilə qalib gəlməklə ilk dəfə dünya kubokunun sahibi olmuşdu. Bu səbəbdən görüşün prinsipiallığı daha da artır.

Bu komandalar 10 dəfə qarşılaşıb. Belə ki, ispanlar 5, hollandiyalılar 4 dəfə qalib gəlib. 1 görüşdə isə sülh qeydə alınıb. Top fərqində də ispanlar üstündür – 16:11.

Qrupun digər görüşündə isə Çili və Avstraliya qarşılaşır. Bu komandalar indiyədək 4 dəfə üz-üzə gəlib. Çili 3 qələbə qazanıb, 1 görüşdə heç-heçə olub. Top fərqində çililər 6:1 üstündür.

A qrupu

21:00 Meksika – Kamerun
Hakim: Vilmar Roldan (Kolumbiya)
Natal. "Arena das Dunas"

B qrupu

00:00 İspaniya – Hollandiya
Hakim: Nikola Ritsoli (İtaliya)
Salvador. "Arena Fonte Nova"

03:00 Çili – Avstraliya
Hakim: Numandyez Due (Kot-dİvuar)
Kuyaba. "Arena Pantanal"

Qeyd edək ki, Axar.az B qrupunda baş tutacaq Hollandiya - İspaniya qarşılaşmasını canlı olaraq təqdim edəcək.

Aşağıda verilən fotoda "Topaz" proqramının oyunlara verdiyi əmsallar əks olunub.