Bu gün və sabah Braziliyada keçirilən futbol üzrə dünya çempionatının C və D qrupunda növbəti oyunlar keçiriləcək.

Axar.az xəbər verir ki, bu günün son qarşılaşması C qrupunda baş tutacaq. Kolumbiya və Yunanıstan qarşı-qarşıya gələcək. Bu iki komanda tarixində bir dəfə qarşılaşıb. Həmin görüşdə də Cənubi Amerika təmsilçisi 2-0 hesablı qələbəyə sevinib.

Bu qrupun digər qarşılaşması isə sabah saat 6-da baş tutacaq. Fil Dişi sahili millisi ilə asiya təmsilçisi Yaponiya üz-üzə gələcək. Bu 2 komanda əvvəllər 3 dəfə qarşılaşıb. 1 dəfə Fil Dişi Sahili, 2 dəfə Yaponiya qələbə qazanıb. Top fərqi isə belədir – 2:2.

Sabah D qrupunda da günün iki qarşılaşması keçiriləcək. Bu qrupun ilk görüşündə Uruqvayla Kosta-Rika qarşılaşacaq. Komandalar indiyədək 8 dəfə qarşılaşıb. Uruqvay 6 dəfə qələbə qazanıbsa, 2 dəfə də heç-heçə qeydə alınıb. Top fərqində uruqvaylılar üstündür - 15-8.

Bu qrupun mərkəzi qarşılaşmasında isə İngiltərə - İtaliya üz-üzə gələcək. Bu komandalar isə tarixlərində 24 dəfə üz-üzə gəlib. 8 görüş ingilislərin üstünlüyü ilə yekunlaşıbsa, 9 görüşdə italyanlar qalib gəlib. 7 matçda isə sülh qeydə alınıb. Ancaq top fərqində ingilislər öndədir - 30:27.

14 iyun

C qrupu

21:00. Kolumbiya – Yunanıstan
Hakim: Mark Qayqer (ABŞ)
Belo Horizonte. "Mineyrao" stadionu

15 iyun

D qrupu

00:00 Uruqvay - Kosta-Rika
Hakim: Feliks Brix (Almaniya)
Fortaleza. "Kastelan" stadionu

03:00 İngiltərə - İtaliya
Hakim: Byörn Köypers (Hollandiya)
Manaus. "Arena Amazoniya"

C qrupu

06:00 Fil Dişi Sahili - Yaponiya
Hakim: Enrike Osses (Çili)
Resifi. "Arena Pernambuko"

Qeyd edək ki, Axar.az İngiltərə - İtaliya qarşılaşmasını canlı olaraq təqdim edəcək.

"Topaz" proqramının yuxarıda qeyd edilən oyunlara verdiyi əmsallar aşağıdakı kimidir: