Çin sakini DÇ matçlarını canlı yayımda izləmək üçün gecələr yatmadığından, televizorun önündəcə ölüb.

25 yaşlı azarkeşin Suçjou şəhərində yaşadığı bildirilir. İspaniya və Niderland yığmalarının matçı (1:5) keçirilən günün səhəri gəncin meyiti televizorun yanında tapılıb. Meyiti müayinə edən həkimlər ölümün yuxusuzluqdan baş verdiyini təsdiqləyiblər.

Xatırladaq ki, hər dəfə mundial keçirilərkən bu kimi hala rast gəlinir. Azarkeşlər matçları canlı izləmək üçün sutkalarla yatmırlar və bud a yorğunluq və oyun zamanı keçirilən ciddi həyacan səbəbindən ölümlərə yol açır.

Həkimlər futbol həvəskarlarına bu faktları nəzərə almağı və matçları izləyərkən, öz səhhətlərinin qeydinə qalmağı tövsiyyə edirlər.