İspaniya millisinin canlı əfsanəsi Raul Qonzales yığmanın "DÇ-2014"dəki uğursuz çıxışını dəyərləndirib.

Təcrübəli futbolçu İspaniya erasının başa çatdığını bildirib:

"İspaniya millisinin heyətində olan futbolçulara güvənirdik, ancaq bu dəfə uğur qazanmaq mümkün olmadı. Təbii ki, məyusuq, bununla belə 6 ildə böyük uğur əldə edən komandanın futbolçularına təşəkkür etməliyik. Hər bir eranın sonu olur.

Çox təəssüf ki, İspaniya erası belə başa çatdı. Ancaq bu komandanın ləyaqətini unutmamalıyıq. Top-komanda olmaq çətindir, onu qoruyub saxlamaq daha da çətindir. Bizim daha öncə belə uğurumuz olmayıb. Bəli, era başa çatdı, amma komandanın 2008-2012-ci illərdə qazandığı uğuru təkrarlamaq çətin olacaq".

Xatırladaq ki, 2008 və 2012-ci illərdə Avropa çempionu olan İspaniya millisi 2010-cu ildə dünya kubokunu başı üzərinə qaldırmışdı.

Qol.az