Buxarest Rusiyanın Rumıniya və digər Avropa ölkələri üçün nəzərdə tutulan külli miqdarda Azərbaycan neftini qəsdən çirkləndirməsindən şübhələnir.

Axar.az Publika.az-a istinadən xəbər verir ki, bu barədə rəsmi mənbələr bildiriblər.

Rumıniya hökuməti Rusiyanın hibrid hərbi əməliyyat keçirməsi nəzəriyyəsini nəzərdən keçirir. Neft Azərbaycan-Gürcüstan-Türkiyə marşrutu üzrə boru kəməri ilə nəql olunub, oradan da tankerlə Rumıniyaya göndərilib. Çirklənmiş neftdə xlorun konsentrasiyası o qədər yüksək idi ki, korroziya nəticəsində neft emalı zavoduna ciddi ziyan dəyib və bu, Rumıniyada yanacaq böhranına səbəb ola bilərdi.

Mənbələr bildiriblər ki, neftin çirklənməsi 1700 kilometrlik boru kəmərində Rusiyanın nisbətən sadə təxribat əməliyyatı vasitəsilə həyata keçirilə bilərdi.