Ermənistanda bəzi sadəlövhlər inanırlar ki, Ukraynada müharibə bitdikdən sonra Rusiya yenidən Qarabağı Azərbaycandan alıb bizə verəcək.

Axar.az Teleqraf-a istinadla xəbər verir ki, bunu erməni jurnalist Vahram Atanesyan deyib.

Jurnalist bunun heç vaxt baş verməyəcəyini bildirib:

“Keçən həftə Putin almanlara söylədi ki, Stalin onların torpaqlarını Polşaya verib. Almaniya kansleri Merts çox sərt cavab verdi ki, Putin Avropa müharibəsini qızışdırır. Ermənistanda isə Rusiyanın Ukraynadakı müharibədən sonra yenidən Qarabağı alıb bizə verəcəyinə inanan və bizi də əmin edən sadəlövh insanlar var. Belə bir şey heç vaxt olmayacaq. Bununla (Qarabağı yenidən işğal etməyə cəhd göstərməklə - red.) ancaq ölkəni yenidən ətçəkən maşına atmaq olar. Başqasının rifahı naminə...”