Avropa Birliyinin (AB) genişlənmə məsələləri üzrə komissarı Marta Kos bu gün Ermənistana səfər edib.

Axar.az xəbər verir ki, bu barədə AB-nin genişlənmə və Şərq qonşuluğu ofisinin nəşri məlumat yayıb.

"Komissar Marta Kos Ermənistanda AB əməkdaşlığını gücləndirmək və qarşılıqlı fəaliyyət gündəliyini irəli aparmaq üçün İrəvandadır. O, səfər zamanı Ermənistanın Baş naziri Nikol Paşinyan, Prezident Vaaqn Xaçatryanla görüşəcək. Bundan əlavə, o, "EU4Sevan" layihəsi məkanını ziyarət edəcək və vətəndaş cəmiyyəti ilə ünsiyyət quracaq", - məlumatda bildirilib.

Xatırladaq ki, Marta Kos sentyabrın 19-20-də Ermənistanda olacaq. Bundan əvvəl o, Azərbaycana səfər etmişdi.