Ermənistan parlamentinin sədri Alen Simonyan Konstitusiya islahatlarından əvvəl Azərbaycanla sülh müqaviləsinin imzalanmasının mümkünlüyünü istisna etməyib.

Axar.az xəbər verir ki, o, bu barədə Ermənistan mediasına bildirib.

“Konstitusiya dəyişikliyi prosesi Azərbaycanın tələbləri ilə bağlı deyil. Bu mövzuda müzakirələr hələ koronavirus pandemiyası başlamazdan əvvəl olub”, - o qeyd edib.

Simonyan müdafiə xərclərinin azaldılmasını Azərbaycan amili ilə əlaqələndirməyib:

“Obyektiv amillərə görə Ermənistan hərbi xərclər baxımından NATO-da ikinci böyük orduya malik olan Türkiyə, eləcə də Azərbaycanla rəqabət apara bilmir. Bu vəziyyətdə əsas şey vəsaitlərin rasional istifadəsidir”.