Ötən gün Ukrayna Prezidenti Vladimir Zelenski və ABŞ Prezidenti Donald Tramp arasında telefon danışığı baş tutb. İki ölkə arasında böyük silah razılaşması müzakirə olunur, daha doğrusu, hazırlanır.

Axar.az xəbər verir ki, bu sözləri politoloq Kamran Cəfərov qeyd edib.

“Ukrayna ABŞ-a öz müasir dron texnologiyalarını (bəli, Ukraynanın hərbi sənaye kompleksi artıq bu səviyyəyə çatıb ki, ABŞ-ın o texnologiyalara ehtiyacı var), ABŞ isə Ukraynaya müasir silahlarını verəcək.

Ehtimal olunur ki, Tramp Ukraynaya bu günə qədər verilməyən ən müasir silahları vermək istəyir. Silahların adı açıqlanmır. Amma ehtimal edirəm ki, söhbət HİMARS M142-lər üçün ən müasir PrSM ballistik raketlərindən gedir. USQ-nin "Flaminqo"larla zərbələrə tam hazır olmasına qədər onlara PrSM ballistik raketləri çox faydalı ola bilər.

Rusiyada neft emalı zavodlarını "sürprizlər" gözləyir”, - Cəfərov bildirib.