Etirazlar zamanı İranda 50-dən çox məscid və 180 təcili yardım maşını yandırılıb.

Axar.az xəbər verir ki, bu barədə materialları İranın Rusiyadakı səfirliyi yerli mediaya təqdim edib.

"Etirazların 3 aktiv günü ərzində 180 təcili yardım maşını yandırılıb. Paytaxtda dəyən ziyan: Təkcə Tehranda 26 bank və 25 məscid yandırılıb. Dini məkanlara hücumlar: Ölkə daxilində 53 məscidə hücum edilib və yandırılıb ki, bu da təkcə İranda deyil, bütün müsəlman ölkələrində görünməmiş rəqəmdir”, - deyə materiallarda bildirilib.

Qeyd edək ki, İranda 2025-ci il 28 dekabrdan iqtisadi vəziyyətə görə aksiyalar başlayıb. Aksiyalar sonradan iğtişaşlara çevrilib.