"1 mart memorandumu qəbul olunmadığı üçün Baykalın qələmini qırdılar".

"Axar.az" "A Xəbər"ə istinadən xəbər verir ki, millət vəkili Tofiq Dikər Türkiyənin ana müxalifət partiyası CHP-nin keçmiş sədri Dəniz Baykalın istefasına yol açan kasetlə əlaqədar maraqlı bir iddia ilə çıxış edib:

"1 mart memorandumu (İraq böhranına görə 2003-cü il 25 fevral tarixində hökumət tərəfindən Millət Məclisinə təqdim edilən və tam adı "Türkiyə Silahlı Qüvvələrinin xarici ölkələrə göndərilməsi və başqa ölkələrin silahlı qüvvələrinin Türkiyədə yerləşməsi üçün hökumətə səlahiyyət verən memorandum" olan layihə. – red.) qəbul olunmadığı üçün Dəniz Baykalın qələmini qırdılar. Əvvəlcə məclisdə yoxladılar, ancaq uğurlu ola bilmədilər. Nəticədə o kaset ilə məqsədlərinə çatdılar. Bu hadisə okeanın o tayından planlaşdırılıb, Türkiyədə tətbiq edilib. Kaseti hazırlayan şəxs ortaya çıxıb. Təhlükəsizliyi təmin olunsa, hər şeyi danışmağa hazırdır".