ABŞ Federal Məhkəməsi Vaşinqton administrasiyasının Azərbaycan, Ermənistan, Rusiya, Belarus, Qazaxıstan, Qırğızıstan, Özbəkistan, Gürcüstan və Moldova da daxil olmaqla, 75 ölkədən müraciət edənlərə immiqrant vizalarının verilməsini dayandırmaq barədə əvvəlki qərarını qanunsuz hesab edib.

Axar.az Report-a istinadən xəbər verir ki, bu barədə Nyu York Cənub Dairəsi Federal Məhkəməsinin bəyanatında deyilir.

"Məhkəmənin qərarı qeyd olunan 75 ölkədən müraciət edənlərə immiqrant vizalarının verilməsini tamamilə dayandırmaq siyasətini ləğv etməlidir, çünki bu, qanuna ziddir və səlahiyyətlərdən sui-istifadədir", - bəyanatda bildirilib.

Xatırladaq ki, Dövlət Departamenti məhdudiyyətləri yanvarda tətbiq edib. Qərar yalnız ABŞ-a daimi giriş üçün nəzərdə tutulmuş immiqrant vizalarına təsir edib və turist və ya digər müvəqqəti vizalara şamil olunmayıb.