Bu ilin büdcəsində biz neftin barelini 25 dollardan götürmüşdük və indi bu ili profisitlə başa vururuq.

Axar.az xəbər verir ki, bunu "Sputnik" agentliyinə müsahibəsində Azərbaycan Prezidenti İlham Əliyev söyləyib. Prezident vurğulayıb ki, Azərbaycan gələn ilin büdcəsində neftin qiymətini 40 dollardan hesablayacaq:

"Fikrimizcə, neftin qiyməti 40 dollardan aşağı düşməyəcək. Ona görə də bu bizə hansısa əlavə çətinliklər yaratmır. Yeganə ixtisar elədiyimiz məqam dövlət investisiya layihələri oldu. Hazırda neft bazarı ümumilikdə qara qızılın dəyərinin 60 dollardan çox, hətta 70 dollar olmasına yönəlib. Məncə, bu, hər kəs üçün sərfəli olardı. Bu həm şirkətlərə investisiyalar yatırmağa imkan verərdi, həm də istehsalçı ölkələr fərqli layihələr üçün imkanlar qazanardı".