Xəzər rayonunun Binə qəsəbəsində yerləşən küçələrdən biri öz adı ilə görənləri təəccübləndirir.

Axar.az xəbər verir ki, "Mehriban qonşular" adlanan bu küçənin sakinləri həqiqətən də bir-birinə can deyib, can eşidir.

Sakinlər Xəzər xəbər-ə bildirib ki, uzun illərdir burada yaşasalar da, bir-biri ilə dalaşan, küsən qonşuya rast gəlməyiblər, səmiyyət və mehribanlıqla bağlı heç bir problemləri olmayıb. Bura sonradan köçənlər də əvvəlki sakinlərlə mehribandır. Məhz bu səbəbdən küçəyə belə bir ad verilib.

Mehriban qonşular küçəsinin sakinlərinin yeganə problemi küçədə palçığın həddən artıq çox olması və sahibsiz itlərin əlindən rahat hərəkət edə bilməmələridir.