Ana səhifə Gündəm |
Qənirə Paşayevanın Alanyada Azərbaycan küçəsi və Qarabağ parkının açılması təklifi Türk Ocaqları tərəfindən dəstəklənib.
Axar.az xəbər verir ki, “Dağlıq Qarabağ problemi, Türk dünyasının ortaq sorunları” mövzusunda konfrans keçirmək üçün Alanyaya səfər edən millət vəkili Alanya bələdiyyə başqanı Adəm Murad Yücel ilə görüşüb.
Q.Paşayeva ölkəmizin tarixi, mədəniyyəti, Qarabağ, Xocalı soyqırımı həqiqətləri ilə bağlı geniş məlumatlar verib, müzakirələr aparıb.
Millət vəkili görüş zamanı Azərbaycanla Türkiyənin bəzi şəhərlərinin və bələdiyyələrinin qardaş şəhərlər və bələdiyyələr olduğunu bildirərək, qədim Alanyanı da Azərbaycan bölgələrindən biri ilə qardaş olaraq görmək istədiyini deyib.
Q.Paşayeva Alanya Türk Ocaqlarının rəhbəri Hasan Pəkərlə də görüşüb və Qarabağ həqiqətlərinin daha geniş yayılmasında Türk Ocaqları ilə layihələrin artırılmasının əhəmiyyətini vurğulayıb.
QHT, KİV rəhbərləri, aydınlar, gənclərin iştirak etdiyi konfransda ön cəbhədə baş verən son hadisələrlə bağlı geniş çıxış edən millət vəkili beynəlxalq təşkilatları Ermənistana təzyiq göstərməyə çağırıb və Azərbaycanın səbrinin artıq tükəndiyini bildirib.
Millət vəkili görüşün sonunda Alanya Türk Ocaqlarının rəhbərliyini Azərbaycana dəvət edib.
Tarix
2017.03.04 / 12:53
|
Müəllif
Aygün Yusibova
|