Fransada yayımlanan "Kuklalar" adlı komediya proqramında Soma faciəsində ölən şaxtaçılarla bağlı deyilən sözlər qalmaqal yaradıb.

"Axar.az" xəbər verir ki, "Kuklalar" proqramının açılışını edən məşhur fransız jurnalist Patrik Poivr Darvorun kuklaların Soma faciəsi haqqında danışdığı vaxt "Mən nə danışıram, sən nə danışırsan. Türk şaxtaçıları kimə lazımdır? Bugün bayram, Kannesdəyik" - deməsi Fransada tamaşaçıların etirazına səbəb olub.

Proqramın yayımlandığı "Kanal Plus"a sərt reaksiya göstərən tamaşaçılar internetdə "Kanal Plus Somadan üzr istə!" petisiyası yaradıb.

Petisiyanı bir neçə saat ərzində 12 min insan imzalayıb.

Qeyd edək ki, artan reaksiyaya baxmayaraq kanal rəhbərliyindən hələ də heç bir açıqlama gəlməyib.