"Dünya tarixi sizin qədər əxlaqsız bir media heyəti görməyib"

"Axar.az" xəbər verir ki, bu sözləri "Hürriyət" qəzetinin köşə yazarı Yılmaz Özdil köşə yazısında özünə qarşı səsləndirilən fikirlərə cavab olaraq yazıb. Yazar, bu reaksiyaların onun üçün heç bir əhəmiyyət daşımadığını bildirib:

"Susaq, yazmayaq deyə böhtan üstünə böhtan atırlar. Öz dediklərini bizə yönləndirirlər. Saqqalından utanmayanlar mənasız yalanları ilə provokasiyaya gedək deyə bizi hədəfə alırlar. Topluca cavab verirəm. Dünya tarixi sizin qədər əxlaqsız bir media heyəti görməyib. Biz ancaq oyun oynayanda diz çökərdik, sizin fikirləriniz mənim heç vecimə də deyil".

Qeyd edək ki, "Hürriyət" qəzetinin köşə yazarı Yılmaz Özdilin Somadakı mədən faciəsi ilə əlaqədar "Ölən işçilər AKP-nin pulla mitinqə gətirdiyi işçilər idi. Demək olar ki, baş verənlərə layiq idilər. Türkiyə də elə Ərdoğana layiqdir" deməsi mediada qalmaqala səbəb olmuşdu.