Güclü külək bu gün axşam saatlarınadək davam edəcək.

Bu haqda Axar.az-a Ekologiya və Təbii Sərvətlər nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Umayra Tağıyeva məlumat verib:

"İyunun 24-də Bakıda və Abşeron yarımadasında küləyin sürəti 8-13 m/san azalacaq. Əgər bu gün küləyin surəti 30 m/san təşkil edirdisə, sabahdan etibarən 15-20 m/san, arabir isə 23-25 m/san təşkil edəcək. Ancaq bu, yenə də güclü külək hesab olunur.

İyunun 26-da isə külək istiqamətini dəyişərək cənub-şərq küləyi ilə əvəz olunacaq. Abşeron yarımadasında temperatur xeyli yüksələrək yenidən 35 dərəcəyə çatacaq".

Xatırladaq ki, üçüncü gündür Bakıda güclü külək əsir.