18:24

Bu gün axşam saatlarında Bakıda Sərhəd Akademiyasının binasında yanğın baş verib.

Bu barədə sosial şəbəkələrdə məlumat yayılıb.

Verilən məlumata görə, Həzi Aslanov metrostansiyası yaxınlığında yerləşən Sərhəd Akademiyasının binasında yanğın olub və ətrafı qatı tüstü bürüyüb.

Məsələ ilə əlaqədar Fövqəladə Hallar Nazirliyinin Dövlət Yanğından Mühafizə Xidmətindən bildirilib ki, hazırda hadisə yerinə yanğınsöndürən maşınlar göndərilib.

Son məlumata görə, Sərhəd Akademiyasında baş verən yanğın artıq söndürülüb. Bu barədə Fövqəladə Hallar Nazirliyinin mətbuat xidmətindən məlumat verilib. Verilən məlumata görə, yanğın elə də böyük olmayıb.

ANS

19:17

Dövlət Sərhəd Xidməti (DSX) Akademiya Kompleksində yanğın olub.

DSX-nın mətbuat xidmətindən verilən məlumata görə, bu gün saat 17:00 radələrində DSX Akademiya Kompleksinin binasında baş vermiş alışma nəticəsində binanın üzlüyündə təqribən 18-20 kvadrat metr sahəsində yanğın baş verib. Akademiya kompleksinin yanğınsöndürmə sisteminin vaxtında işə düşməsi nəticəsində yanğının yayılmasının qarşısı alınıb və yanğın söndürülüb.

Fövqəladə Hallar Nazirliyinin (FHN) əməkdaşları hadisə yerinə gələrək yanğının mənbələrinin tam ləğv edilməsini və təhlükəsizlik qaydalarına riayət olunmasını yoxlayıblar.

Hazırda yanğının fəsadlarının aradan qaldırılması məqsədi ilə təmir işlərinə başlanılıb.

APA