"Beşinci kolon"un məhv edilməsi Rusiyanın reaksiyasından asılıdır".

Bu sözləri Axar.az-a politoloq Ərəstun Oruclu Azərbaycanda "beşinci kolon"un məhv edilməsi məsələsini şərh edərkən söyləyib.

O, Qərblə Azərbaycan arasında münasibətlərin müsbətə doğru inkişafında ləngimələr olduğunu bildirib:

"Əgər Rusiya edilən təzyiqlər qarşısında geri çəkilsə və qonşuları ilə nəzakətli münasibətlərə getsə, o zaman Azərbaycanın Qərbə yaxınlaşması mümkün məsələdir. Amma "beşinci kolon"un təsirinin azaldılmasına Azərbaycanda da siyasi şərait lazımdır. Təəssüf ki, biz hələ bunu görmürük. Gördüyümüz əks tendensiyalardır. Hazırda "beşinci kolon"un Azərbaycanda təsiri durmadan artır. Azərbaycan-Rusiya yaxınlaşmasının ən azı üzdə olan hissəsi daha çox nəzərə çarpır. Bu, nəinki Azərbaycanın Avropayla yaxınlaşmasına mane olur, hətta deyərdim ki, Bakının Qərblə münasibətləri soyutmağa cəhd edir. Bu, bir sıra şəxslərin açıqlamalarında da özünü biruzə verir".