Ana səhifə Gündəm |
Rusiyalı politoloq Modest Kolerov yenidən "Regnum" agentliyinə baş redaktor vəzifəsinə gətirilib.
Axar.az xəbər verir ki, bu barədə Kolerov özü Feysbuk səhifəsində yazıb.
Modest Kolerov Kremlə yaxınlığı ilə seçilən politoloqlar sırasında yer alır. O, Azərbaycana, ümumiyyətlə, Moskvanın təsir dairəsindən çıxmaq istəyən ölkələrə qarşı sərt münasibətilə seçilir.
Xatırladaq ki, Modest Kolerov bundan öncə də "Regnum"un baş redaktoru vəzifəsini icra edib. O, bu vəzifədə 2009-2012-ci illərdə fəaliyyət göstərib. Məhz bu dövr ərzində Kolerov Latviya, Litva, Estoniya və Gürcüstanda ərazi bütövlüyünü şübhə altına alan şəxs kimi arzulanmaz hesab edilib. 2012-ci ildən bu günə qədər isə politoloq REX agentliyinin baş redaktoru vəzifəsində çalışıb.
Kolerovu 2012-ci ildə milliyətcə erməni olan Viqen Akopyan əvəz edib. "Regnum" hər zaman erməni mövqelərinə yaxınlığı ilə seçilib.
Bir müddət öncə Modest Kolerov Azərbaycan barədə də fikir bildirmişdi və PA rəsmisi Novruz Məmmədov onun cavabını vermişdi.
Tarix
2014.10.01 / 13:36
|
Müəllif
İlkin Həsənov
|