Yuxarı

Nazirin menyusuna: rüşvət yığılan məktəblərin – Siyahısı

Ana səhifə Gündəm
12 Punto 14 Punto 16 Punto 18 Punto

5 oktyabr müəllimlər günü münasibətilə Azərbaycanın bir çox təhsil müəssisələrində pul yığımına başlanılıb.

AzNews.az xəbər verir ki, Təhsil Nazirliyi müəllimlər günü ilə bağlı məktəblərdə pul yığılması faktı aşkarlanarsa, müəllim və ya direktorların işdən azad olunacağı ilə bağlı xəbərdarlıq edib.

Təhsil Nazirliyinin bugünkü açıqlamasından sonra AzNews.az oxucularının köməyi ilə bəzi orta məktəblərdəki müəllim gününə hazırlıqlarla bağlı məlumatlar əldə edib.

Məlum olub ki, bütün bu xəbərdarlıqlara baxmayaraq, bəzi məktəblərdə artıq haqq hesab ünvanına çatıb, bəzilərində isə validdeynlərə bir-iki günlük möhlət verilib...

Abşeron rayonu, Xırdalan şəhər 3 saylı orta məktəbində nə qədər qəribə olsa da, müəllimə ayrı, direktora isə ayrıca pul yığılır. Beləcə, hər uşaq 10 manat məktəb direktorunu, 10 manat isə ibtidai sinif müəllimini təbrik etmək üçün pul verməlidir.

Şəhərdəki 1 nömrəli məktəbdə isə məbləğ bir az da böyükdür. Belə ki, hər uşaq müəllimini təbrik etmək üçün 25 manat pul verməlidir. Bunun 15 manatı direktora, 10 manatı isə müəllim üçün nəzərdə tutulub.

Müəllimlər günü ilə bağlı valideynlərin səfərbər olduğu digər məktəblərdən biri isə Binəqədi rayonu 314 nömrəli məktəbdir. Bu təhsil ocağında müəllimləri təbrik etmək üçün konkret məbləğ deməsələr də, valideynlər öz aralarında 20 manat pul yığılmasına razılaşıblar.

5 oktyabrla bağlı Xətai rayonu 165 nömrəli məktəbdə də valideynlərə ismarış göndərilib: "Müəllimlər günü ilə bağlı 25 manat gətirin!"

Səbayıl rayonu Badamdar qəsəbəsi 236 nömrəli məktəbdə də müəllimin təbrik məzənnəsi 20 manatdır.

Yasamal rayonu 225 nömrəli təhsil mərkəzində də 20 manatla müəllimləri təbrik edəcəklər.

Yasamal rayonu 172 saylı məktəbdə isə deyəsən, müəllimlərin "hörməti" daha çoxdur. Belə ki, həmin məktəbdə uşaqlardan ümumi 35 manat pul yığılır. Müəllimlərin bayramına qədər artıq uşaqlardan 20 manat yığılıb. Yığılan məbləğ kifayət etmədiyindən şagirdlərdən əlavə 15 manat da pul alınıb.

Nazirliyin qadağalarını qulaq ardına vuranlardan biri də Bakıxanov qəsəbəsi 271 nömrəli məktəbdir. Adıçəkilən təhsil ocağında da müəllimlərin bayramı üçün 20 manat pul tələb olunur.

Abşeron rayonu, Xırdalan şəhəri 8 nömrəli məktəbdə də konkret qiymət müəyyən olunub: 20 manat.

Bakının mərkəzindəki məşhur 160 nömrəli məktəb-lisey kompleksi də müəllim heyətini bayram günü təbriksiz qoymayacaq. Bu təhsil kompleksində valideynlər müəllimlərin bayram haqqını 20-30 manatla verəcəklər.

Sumqayıt şəhəri 28 nömrəli orta məktəbdə analoji hadisə hökm sürür. İl ərzində müəllimin çəkdiyi zəhməti bir gündə ödəmək üçün 20 manat pul yığılır.

Xatırladaq ki, Təhsil Nazirliyi müəllimlər günü ilə bağlı məktəblərdə pul yığılması faktı ilə bağlı 146 saylı "Qaynar xətt" xidmətinə anonim olmadan məlumat daxil olduğu halda məsələnin araşdırılacağı və fakt öz təsdiqini taparsa, həmin müəllim və ya məktəb direktoru dərhal vəzifəsindən azad olunacağı bildirilib.

Bu da faktlar... Bu faktlardan sonra həmkarımızın yarı zarafat, yarı ciddi dediyi bir söz yada düşür: "Təhsil Nazirliyi müəllimlər günü ilə bağlı pul yığan müəllim və ya məktəb direktoruni işdən azad etsə gərək məktəblərdə nə müəllim, nə də direktor qala..."

Tarix
2014.10.02 / 21:34
Müəllif
Axar.az
Şərhlər
Digər xəbərlər

Radev Əliyevə zəng etdi: Səfər təxirə düşdü

Rəsmi İrəvan gərəksiz bəhanələr axtarmaq əvəzinə…

Bu, Ermənistanı yeni təxribatlara təşviq edə bilər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla