Özbəkistan milli futbol komandası Fərqanədə keçirilən yoldaşlıq oyununda İranı 3-1 hesabı ilə məğlub edib.

Axar.az xəbər verir ki, qalib komandadan Eldor Şomurodov və Xüsain Norçayev fərqlənib.

Özbəkistanın müdafiəçisi Caxongir Urozov 49-cu dəqiqədə öz qapısına qol vurub.

Özbəkistan və İran milli komandaları 2026-cı ildə ABŞ, Kanada və Meksikada keçirilən Dünya Çempionatında üz-üzə gəlmişdilər. Çempionatda ilk dəfə iştirak edən Özbəkistan öz qrupunda dördüncü, İran isə üçüncü yeri tutaraq pley-offa yüksələ bilməmişdilər.

Özbəkistan millisi hazırkı beynəlxalq fasilədə daha iki yoldaşlıq oyunu keçirəcək. Komanda oktyabrın 1-də Suriya, oktyabrın 6-da isə Koreya Respublikası ilə qarşılaşacaq. İran isə sentyabrın 29-da Rusiya ilə yoldaşlıq oyununda qarşılaşacaq.