Fransa prezidenti Fransua Ollandın təşəbbüsü ilə reallaşacaq Azərbaycan və Ermənistan prezidentlərinin Paris görüşündə Fransa tərəfi danışıqların sonrakı mərhələsində irəliləyiş olması üçün lazımi şərait yaradacaq.

Musavat.com xəbər verir ki, bunu Ermənistanın Gümrü şəhərində işgüzar səfərdə olan Fransa Xarici İşlər Nazirliyinin nümayəndəsi Erik Furnye bildirib.

"İlham Əliyev və Serj Sərkisyanın Paris görüşü oktyabrda ən mühüm mövzulardan biridir. İki prezidentin Fransa dövlət başçısının iştirakı ilə görüşü ona görə vacibdir ki, biz bundan sonra danışıqlar prosesində tərəqqi olması üçün qarşılıqlı etimad mühitini formalaşdırmağa yönəlik şərait yaratmağa cəhd edəcəyik", - deyə diplomat əlavə edib.