Axar.az
Yuxarı

Axar.Az Logo

Böyük Üçlüyün Qarabağa münasibəti ortadadır

Ana səhifə Gündəm
12 Punto 14 Punto 16 Punto 18 Punto

"Azərbaycanın mövqeyi Qərb, Rusiya və ABŞ tərəfindən qəbul olunub".

Bu sözləri Axar.az-a açıqlamasında politoloq Rasim Ağayev Azərbaycan və Ermənistan prezidentlərinin Fransada baş tutacaq növbəti görüşünə münasibət bildirərkən deyib. O bildirib ki, Rusiya, Qərb və ABŞ vaxtilə çalışıblar ki, prosesə təkan versinlər və yeni nəsə fikirləşsinlər:

"Ancaq vəziyyət axırda o yerə gəlib çıxmışdı ki, prezidentlərin artıq bir-birinə deyəsi sözü yox idi. Çünki Azərbaycanın dövlət başçısı zəbt olunan ərazilərimizin şərtsiz qaytarılması ilə bağlı öz mövqeyini ortaya qoymuşdu. Yalnız bundan sonra tərəflər bir masa arxasına gələrək Dağlıq Qarabağın statusunu həll edə bilərdilər. Məsələnin sülh yolu ilə həllinə İrəvan heç cür razı deyildi. Buna görə də proses o vaxtdan bu günə bir nöqtədə dayandırıldı. Hələ Heydər Əliyevin vaxtında ekspertlərin də olduğu bir ortamda ərazilərin qaytarılması prosesi və problemin çözümündə texniki məsələlərlə bağlı intensiv danışıqlar gedirdi. Ermənistanın səriştəsizliyi məsələni yarımçıq qoydu. Ancaq o vaxtdan bu yana çox dəyişikliklər var. Geosiyasi vəziyyət indi tamam başqadır. Azərbaycanın mövqeyi Qərb, Rusiya və ABŞ tərəfindən açıq şəkildə dəstəklənməsə də, artıq qəbul olunur. Hesab edirəm ki, Böyük Üçlük Qarabağ konflikti ilə bağlı artıq yetərincə məlumatlıdır. Zaman o zamandır ki, Azərbaycanın haqlı tələblərinə qarşı çıxmağın yolverilməz olduğunu dərk edib, sadəcə susurlar".

Rasim Ağayevin fikrincə, Sərkisyan Qərblə Rusiyanın arasında uzun müddət var-gəl etdikdən sonra sonunda Avrasiya İttifaqına girərək qərarını verdi:

"Putin proyektini həyata keçirmək üçün Moskvaya istənilən qədər Ermənistana təzyiq imkanı yarandı. Çünki İttifaqın digər üzvləri - Qazaxıstan və Belarus konfliktin həllinin tərəfdarıdırlar. Daxili vəziyyəti sarsılmış Ermənistanın hazırkı durumu da Azərbaycana əlverişli məqam üçün şərait yaradır. Azərbaycan nə Avrasiya İttifaqına, nə də ki, Avropa Birliyinə can atmaqda maraqlıdır. Biz yalnız pozitiv mövqe tutaraq hərtərəfli əməkdaşlığa dəstək veririk. Çünki ölkənin iqtisadi gücü regiondakı rolumuzu daha da artırır. Azərbaycan Qafqazda hazırda ən əhəmiyyətli starteji mövqeyə malik dövlətdir. Bax, əsl məsələ budur. Bu da məsələnin kompromis yollarının tapılmasında İrəvana yetərincə təzyiq göstərmək üçün bəs edir. Paris görüşü yeni bir mərhələ olacaq. Çox güman ki, prezidentlər bu istiqamətdə hansısa razılaşmaya gələ bilərlər. Bu, çox həssas məsələdir. Əsas odur ki, məsələnin həllində birinci addım atılsın. Çünki problemin birdən-birə həlli mümkün deyil. Paris görüşü bundan əvvəlkilərdən fərqli olaraq, ümid vəd edir".

Tarix
2014.10.17 / 14:22
Müəllif
Aygün Yusibova
Şərhlər
Digər xəbərlər

Qarabağa qaytarılan ermənilərin son sayı

Hücuma məruz qalan türk gəmisi Qabondadır - Nazir

Rusiya Ermənistan sərhədini ələ keçirir – Tam nəzarət!

Bayramovla Çavuşoğlu arasında kritik gecə zəngi

Bayramov qaçırılan türk gəmisinin kapitanı ilə danışdı

Paşinyan Əliyevin bu təklifini qəbul etsəydi... - Furman

Heç bir ölkədə Bakıdakı qədər rus məktəbi yoxdur - Zinnurov

Sərəncam: SOCAR-da nə baş verəcək? - Təhlil

Prezident xalq artistinə məktub ünvanladı

İlham Əliyev xalq artistinə "İstiqlal" ordeni verdi

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla