"Azərbaycanla Gürcüstanın siyasi maraqları üst-üstə düşür".

Axar.az xəbər verir ki, bu açıqlama ilə eks-prezident Mixail Saakaşvilinin Gürcüstan Vahid Milli Hərəkat Partiyasının üzvü, keçmiş deputat Ramin Bayramov çıxış edib.

O, Gürcüstandakı azərbaycanlıların heç vaxt Tiflisə qarşı çıxmayacaqlarını bildirib:

"Gürcüstanda yaşayan heç bir ağıllı azərbaycanlı öz vətəninin olduğu kimi Azərbaycanın da maraqlarına qarşı çıxış etməz. İlham Əliyevin Gürcüstanla bağlı doğru xarici siyasəti və Saakaşvilinin azərbaycanlılara qarşı münasibəti bu gün bizi heç vaxt olmadığından daha çox Gürcüstana bağlayır. Ona görə də azərbaycanlılar arasında Azərbaycana qarşı münasibəti pisləşdirmək istədikdə burada çox sərt reaksiyalar olacaq. Bu hətta Gürcüstanda anti dövlətçilik hərəkətlərinə da qarşı olacaq. Əgər bu addımı gürcü hakimiyyəti atsa belə, o bağışlanmayacaq. Bir şeyi anlamalıyıq ki, Azərbaycanla Gürcüstanın siyasi maraqları üst-üstə düşür və bu da hər iki dövlətin təhlükəsizliyi, mövcudluğu üçün gərəklidir. Əgər bunlar olmasa, hər iki ölkə böyük təhlükə ilə qarşı-qarşıya qalacaqlar. Kremlin burada siyasi yönü öz xeyrinə dəyişmək istəməsi azərbaycanlıları da narahat edir".