Türkiyə Milliyyətçi Hərəkat Partiyasının mətbuat orqanı olan “Türkgün” saytında Ermənistanın Baş naziri Nikol Paşinyanın Tehran səfəri barədə məqalə dərc olunub.

Axar.az xəbər verir ki, Dr. Elnur Paşanın qələmə aldığı “İrəvandan gələn çaqqal” başlıqlı məqalədə İran rəhbərliyinin işğalçı ölkənin baş nazirini belə bir gündə (Xocalı soyqırımının ildönümündə - red.) Tehranda qarşılaması kəskin pislənilib, N.Paşinyanın səfəri “çaqqal səfəri”nə bənzədilib:

“Azərbaycan türkcəsində belə bir deyim var: “Mazandaranda sanki çaqqal az idi, biri də gəmi ilə gəldi”. Mazandaran İranın vilayətlərindən biridir. Bu dəfə çaqqal gəmi ilə yox, təyyarə ilə gəldi. Özü də Mazandarana deyil, Tehrana. Və Xocalı soyqırımında qətlə yetirilən məsum insanların qanı rəngində xalı ilə qarşılandı”, – məqalənin girişində deyilir.

Məqalədə İran rejiminin antiazərbaycan davranışları və azərbaycanlıların hissiyatına qarşı addımları təhlil olunaraq, bu işlərin nə ilə sonuclanacağı barədə fikir irəli sürülüb. Bildirilib ki, İranın Azərbaycana qarşı apardığı siyasət ona baha başa gələcək və sonda Təbrizin bir yumruğu ilə dağılacaq.

Sözügedən məqalə ilə buradan tanış ola bilərsiniz...