Etdiyim xarici səfərlərin marşrutu təsadüfi olmayıb.

Axar.az xəbər verir ki, bunu parlament qarşısında çıxışı zamanı Gürcüstan Prezidenti Salome Zurabişvili deyib.

“Bu səfərlərin davamlılığı təsadüfi deyildi. Öncə AB və NATO-nu ziyarət etdim, daha sonra isə iki dost Avropa ölkəsi olan Fransa və Almaniyada oldum. Ali baş komandan kimi Əfqanıstandakı əsgərlərimizin yanında oldum. Regionumuzda ilk səfəri dost Azərbaycana etdim”, – deyə o bildirib.

Zurabişvili Gürcüstan üçün görünməmiş perspektivin açıldığını söyləyib:

“Bu gün Avropanın gələcəyi hazırlanır. Bir müddət əvvəl Fransa Prezidenti Emmanuel Makron 27 Avropa ölkəsinə müraciət edərək, yeni Avropa konsepsiyasını “hər kəs üçün açıq Avropa” təklif edib. Bu, bizim üçün gələcək Avropaya yeni yol açır”.