Ermənistan və Azərbaycan xarici işlər nazirləri 4, liderləri isə 3 dəfə görüşüblər. Vyana görüşü tərəflərin Minsk Qrupu himayəsi altında gerçəkləşdirdikləri ilk rəsmi görüş idi.
Axar.az xəbər verir ki, bunu “Tert.am”a açıqlamasında erməniyönlü rusiyalı politoloq Stanislav Tarasov deyib.
“Faktiki olaraq 2 paralel proses baş verir. Belə ki, həm Minsk Qrupu, həm də konflikt tərəfləri özləri görüşə təşəbbüs göstərir. Tərəflərin öz həll variantlarını hazırlayıb, Minsk Qrupuna təklif etməyə cəhd etdiklərini istisna etmirəm. Məncə, İrəvan və Bakı Madrid prinsiplərindən yan keçməyə və öz yeni həll variantlarını yaratmağa cəhd edirdilər. Böyük ehtimalla bu ssenari alınmayıb.
Tərəflər 3 saat danışdılar və bu, diplomatiya üçün çox şey deməkdir. Bu o deməkdir ki, Əliyev və Paşinyan ciddi məsələlərdən bəhs ediblər. Görüşdən sonra onlar danışıqları müsbət dəyərləndirdilər, bu isə onların dialoqu davam etdirmək istəklərindən xəbər verir”, – deyə o bildirib.