Yuxarı

“Türkiyə böyük nüvə dövlətinə çevrilir”

Ana səhifə Gündəm
12 Punto 14 Punto 16 Punto 18 Punto

"Rusiya Prezidenti Vladimir Putinin Türkiyəyə dövlət səfəri heç şübhəsiz ki, hər iki dövlətin maraqlarına xidmət göstərir".

Bunu Axar.az-a açıqlamasında Prezident yanında Dövlət İdarəçilik Akademiyasının Siyasi Araşdırmalar İnistitutunun direktoru, politoloq Elman Nəsirov Rusiya dövlət başçısının Türkiyəyə səfərini şərh edərkən deyib.

Onun sözlərinə görə, əslində bu səfər hər iki ölkənin üzləşdiyi problemlər və bunun həlli baxımından olduqca aktualdır:

"Rusiyanın maliyyə nazirinin verdiyi məlumata görə, sanksiyalar və neftin qiymətinin düşməsi nəticəsində ölkə iqtisadiyyatına 140 milyard dollardan artıq ziyan dəyib. Belə vəziyyətdə Rusiyaya Türkiyə kimi tərəfdaş lazımdır. Görüş iqtisadi-ticarət əlaqələrinin inkişafı baxımından əhəmiyyətlidir. Bu gün iki dövlətin ticarət dövriyyəsi 38 milyard dollardır. Bunun 100 milyard dollara çatdırılması ilə bağlı razılaşma var. Rəsmi Moskva ABŞ, AB ölkələri, Avstraliya, Yeni Zellandiya və Norveçin kənd təsərrüfatı məhsullarına qarşı embarqo tətbiq edib. Belə vəziyyətdə isə Türkiyənin Rusiyaya göndərdiyi kənd təsərrüfatı məhsullarının dəyəri 1.3 milyard dollar təşkil edirdisə, artıq bunun 2015-ci ildən başlayaraq 2 dəfə artırılması gözlənilir. Enerji təhlükəsizliyi məsələsi də əsas rola malik olacaq. Türkiyənin qaza olan tələbatının təxminən 65%-ni Rusiya təmin edir. Türkiyə İrandan aldığı qaza görə hər min kubmetrə 490 dollar ödədiyi halda, Rusiyadan aldığı qazın min kubmetrinə 425 dollar ödəyir ki, bu da Türkiyə üçün Rusiyanı daha maraqlı tərəfdaşa çevirir".

Politoloq iki ölkə arasında 2010-cu ildə ilk dəfə olaraq Atom Elektrik Stansiyasının tikilməsi üçün imzalanan sənədin 2016-cı ilin yazında reallaşacağını bildirib:

"Türkiyə 2016-ci ildən nüvə dövlətinə çevriləcək. Bunun ardınca yapon şirkəti Türkiyədə 2-ci Atom Elektrik Stansiyasını tikəcək. 2018-2019-cu ildə isə artıq Türkiyənin milli Atom Elektrik Stansiyası tikiləcək. Eyni zamanda, səfər çərçivəsində turizm əlaqələrinin inkişafı gündəmdə olacaq. Hər iki dövlət üçün 2016-cı il "turizm ili" kimi qeyd olunacaq. Ən son məlumata görə, Rusiyadan ildə 4 milyondan artıq turist Türkiyəyə axın edir. Bu il isə 385 min türkün Rusiyaya getdiyi bəllidir. Görüşü maraqlı edən faktlardan biri də məhz bu məsələdir".

Politoloq onu da qeyd edib ki, iki dövlət arasında həllini gözləyən Suriya və Ukrayna böhranı ilə bağlı məsələlər də gündəmdədir:

"Türkiyə Ukraynanın ərazi bütövlüyünü tanıyır, eyni zamanda, Bəşər Əsədin legitimliyini qəbul etmir. Krım tatarlarının taleyi ilə bağlı məsələdə də Moskva və Ankaranın yanaşmaları müxtəlifdir. Bu da ikitərəfli münasibətlərin anlaşılmaz məqamları kimi qeyd oluna bilər. Nəzərə alaq ki, hazırda Qərbin Türkiyəyə ciddi təzyiqi var. Papanın bu ölkəyə səfəri zamanı Ermənistanla sərhədlərin açılmasını qabartması Ankaraya təzyiqlərin yeni dalğası, siyasi təzyiqlərə dini təzyiqlərin əlavəsi kimi anlaşıla bilər. Eyni zamanda, ABŞ qondarma erməni soyqırımı ilə bağlı Türkiyəyə təzyiqi edir. Belə bir vəziyyətdə Rusiya ilə əlaqələrin inkişafı Türkiyənin maraqlarına uyğundur və bu, Ankaranın təzyiqlər fonunda manevr imkanlarını artıra bilər".

Tarix
2014.12.01 / 16:30
Müəllif
Aygün Yusibova
Şərhlər
Digər xəbərlər

Bu yardım İrəvanın hərbi potensialını gücləndirir - XİN

Mirzoyan Bakıya gəlir?

Azərbaycana qarşı olan ekspertə cinayət işi açıldı

Ermənistan sərhədimizi atəşə tutub, “təklif” verdi

Tramp Ukrayna ilə bağlı bu riskə getməz - Professor

Ermənilər öldürücü silahları işə saldı - Əmri onlar verib

Erməni politoloq: İrəvandan 3 tələb: Əliyev haqlıdır - Video

BQXK Qarabağ separatçılarına baş çəkdi

Baydeni geri çəkilməyə vadar edən nədir? - Ağar

Şuşada fransız kolonializminə dair hesabat təqdim edildi

KULT
<>
Xəbər xətti
  
  
  
  
  
  
  
  
  
Axar.az'da reklam Bağla
Reklam
Bize yazin Bağla