Son bir ayda Türkiyənin 50 vilayətində FETÖ terror təşkilatı ilə əlaqədə şübhəli bilinən 286 nəfər saxlanılıb. Onlardan 154-ü barəsində məhkəmənin qərarı ilə həbs qətimkan tədbiri seçilib.

Axar.az xəbər verir ki, bu barədə Türkiyənin daxili işlər naziri Əli Yerliqaya sosial şəbəkələrdə paylaşım edib.

Onun sözlərinə görə, şəxslərin saxlanması Ankara, İstanbul və İzmir kimi böyük şəhərlərdə də olub.

Həbs olunanlar qadağan olunmuş təşkilatlarla əlaqədə olmaqda, cinayət təşkilatlarını maliyyələşdirməkdə və FETÖ terrorçularının istifadə etdiyi “ByLok” şifrəli mesajlaşma proqramından istifadə etməkdə ittiham olunurlar.

Daxili İşlər Nazirliyi polisin antiterror bölmələrinin əməkdaşlarına cinayətlə mübarizədə uğurlu fəaliyyətlərinə görə minnətdarlığını bildirib.