Bakıda bir nəfər intihar etmək məqsədilə metronun "Koroğlu" stansiyası yaxınlığındakı körpüyə qalxıb.

Publika.az-ın hadisə yerində olan müxbirnin verdiyi məlumata görə, körpüdən özünü atmaq istəyən şəxs Bakı sakini Zamiq İbrahimovdur. Məlumata görə, Zamiq İbrahimovun qardaşı Ramin İbrahimov 5 ay əvvəl Zığ şosesində baş vermiş yol qəzasında həlak olub.

Hazırda yaxınlıqdakı insanlar həmin şəxsi intihar etmək fikrindən daşındırmağa çalışırlar.

Hadisə yerinə gələn Fövqəladə Hallar Nazirliyinin xilasediciləri və psixoloqları da intiharçını fikrindən daşındırmaq üçün danışıqlar aparır.

Fövqəladə Hallar Nazirliyi xüsusi texnika ilə onu düşürməyə çalışsa da, hələlik yola gətirə bilmir. İntiharçı ona yaxınlaşan olarsa, özünü atacağını deyir.

21:05

Körpüyə çıxan şəxs lüt soyunub. Hadisə yerinə onun anası dəvət olunub. FHN əməkdaşları isə aşağıda çadır tutublar.

21:18

Xilasedicilərin Zamiqlə danışıqları bir nəticə verməyib. Ona görə də körpüyə qaldırdığı kranı daha əlverişli yerə keçirərək onu xilas etmək üçün digər vasitələrə əl atacaq.

21:33

Zamiq İbrahimov FHN-nin əməkdaşları tərəfindən xilas edildi. Onu sağ-salamt yerə düşürdülər.