Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 İyul 2019


İran bütün türklərə hörmətsizlik edir – Raşidi

Ana səhifə Gündəm
12 Punto 14 Punto 16 Punto 18 Punto

Tehranda ermənilərin küçələrə çıxıb Türkiyə və Azərbaycan əleyhinə fikirlər səsləndirməsi yersizdir. Ona görə ki, İran erməniləri bu addımı atırlarsa və 1915-ci il hadisələrini haqq bilib bu barədə səslərini qaldırmaqdan çəkinmirlərsə, biz niyə bu işi görmürük? Bizə niyə haqq verilməsin, bizə deyilsin ki, rəsmi icazə yoxdur?

Axar.az xəbər verir ki, bu sözləri güneyli yazıçı Həsən Raşidi İranda 24 aprel qondarma erməni soyqırımının qeyd olunması ilə bağlı danışarkən deyib.

Onun sözlərinə görə, ermənilərə bu haqq verilirsə, onda azərbaycanlılara da Qarabağ problemini demək haqqı verilməlidir:

“1915-ci il hadisələri ilə bağlı onların heç bir faktı, sənədi yoxdur ki, ona etiraz etsinlər, 1,5 milyon insanın öldürüldüyünü bildirsinlər. Xocalıda və Qarabağda olan faciələr haqqında açıq-aydın gündəliklər, sənədlər, filmlər var. Müsəlmanlar, hətta şiələr əleyhinə törədilən vəhşiliklərdən hələ danışmıram, bu özü ayrı bir mövzudur. Əgər ermənilərə əllərində heç bir fakt olmadığı halda “soyqırım”la bağlı mitinq keçirilməyə icazə verilirsə, onda biz Qarabağ məsələsinə, oradakı şəhidlərə diqqət çəkməyə, erməni əli ilə vəhşicəsinə öldürülən müsəlman bacı-qardaşlarımızın faciəsini bütün dünyaya tanıtmağa hazırıq. Nəinki bunu biz etməliyik, hətta hökumət özü təşəbbüs göstərməlidir ki, siz bu mövzuda haqlısınız, səsinizi dünyaya çatdırmalısınız. Əgər bizə icazə verilmirsə, onda nə üçün ermənilərə Tehranda mitinq keçirmələrinə icazə verərək bizim gözümüz qarşısında bütün türklərə belə hörmətsizlik edirlər? Ermənilər tarix boyu düşmənin 5-ci sütunu kimi çıxış edib, hər zaman fürsətcil olublar. Min illər boyu türk imperatorluqları içində - Osmanlı, Səlcuqlar, Səfəvilər, Xarəzmlər olsun – asayiş çərçivəsində yaşayıblar. Onlar etiqad, din, inanclarında azad olublar, amma əllərinə fürsət düşən kimi müsəlmanlar, xüsusilə türklər əleyhinə işlər görərək 5-ci sütun rolunu oynayıblar. Rusiya –Qacar qarşıdurması zamanı da onların xain hərəkətinin şahidi oluruq. Hansı ki, Qacarlar dövründə ermənilər çox rahat yaşayıb, zülm və sitəmə məruz qalmayıblar. Osmanlılarda da həmçinin... I Dünya Müharibəsi zamanı qüdrət boşluğu meydana gələndə onlar Azərbaycanda özlərinə dövlət qurmaq istəyiblər. Bu niyyətlə də Azərbaycan türklərini qətlə yetiriblər. Bu hadisə özü belə ermənilərin fürsətcil olduğunu göstərir. İran onlara xoş üz göstərir, ermənilər isə bu durumdan belə sui-istifadə edirlər”.

Qeyd edək ki, ermənilər hər il olduğu kimi bu il də aprelin 24-də Türkiyənin İrandakı səfirliyinin qarşısında mitinq keçirərək, qondarma soyqırımı gündəmə gətirməyi planlaşdırır. Güneyli fəallar isə İran hökumətini mitinqin keçirilməsinə icazə verməməyə çağırır.

Tarix
2019.04.15 / 09:51
Müəllif
Aytac Araz
Şərhlər
loading...
Digər xəbərlər

Elmar Məmmədyarov daha bir səfirlə görüşdü - Foto

Mətbuat Günü qeyd edildi: qaliblər mükafatlandırıldı - Foto

İlham Əliyev mühüm qanun imzaladı

Ağabəylinin israrla dekan olmaq istəməsinin - Səbəbi

İlham Əliyevdən Sisiyə: İnanıram ki...

Heydər Əliyevin mətbuatla bağlı ən böyük xidməti... - Əli Həsənov

Zərdabi adi qəzet qurmadı, məktəb yaratdı – Zifəroğlu

Bakıya qarşı informasiya savaşı gedir - Ekspert

General Azərbaycan mediasından danışdı

Yaqub Mahmudov jurnalistləri təbrik etdi

KULT
<>
Xəbər xətti
 
e-vetendash
  
  
  
  
  
  
  
  
  
Axar.az'da reklam Bağla
Reklam
Bize yazin Bağla