Rusiya Prezidentinin köməkçisi Yuri Uşakov Kreml rəhbəri ilə Ermənistan Baş naziri Nikol Paşinyanın görüşünü şərh edib.

Axar.az xəbər verir ki, iki ölkə lideri Şanxay Əməkdaşlıq Təşkilatının sammitində görüşüblər.

Y.Uşakov onların ətraflı söhbət etdiklərini bildirib və vurğulayıb ki, görüş zamanı Rusiya ilə ABŞ arasında son təmaslar müzakirə olunub.

Putin Ermənistanın baş naziri ilə “söhbətə şad olduğunu” bildirib, çünki müzakirə ediləsi bir çox “ikitərəfli və regional” məsələlər toplanıb.

Y.Uşakov o məqama da toxunub ki, V.Putin Azərbaycan Prezidenti İlham Əliyevlə hələ danışmayıb, lakin Rusiya və Azərbaycan nümayəndə heyətlərinin üzvləri artıq əlaqə saxlayıblar.