Ana səhifə Gündəm |
"Ermənistan ordusunda hərbi qulluqçuların hərbi müddəti başa çatsa da, onların evə buraxılmamasının kökündə bir sıra səbəblər durur".
Bu sözləri Axar.az-a açıqlamasında Şərq-Qərb Araşdırmalar Mərkəzinin rəhbəri Ərəstun Oruclu Ermənistanda hərbi qulluqçuların xidmət müddətinin uzadılmasını şərh edərkən deyib.
Ərəstun Oruclunun sözlərinə görə, sözügedən məsələ ilə bağlı
erməni ekspertləri öz rəylərində yanılmırlar:
"Bu gün Ermənistanda bəzi analitiklər bunun başlıca səbəbini
ordudakı əsgər çatışmazlığı ilə əlaqələndirirlər. Həqiqətən də bu
məsələnin real tərəfidir. Ancaq burda bir sıra başqa məqamlar da
var. Bu gün Ermənistanda müəyyən demoqrafik problemlər var. Eyni
zamanda, hesab edirəm ki, Ermənistan rəhbərliyi ya hərbi
əməliyyatlara hazırlaşır, ya da bölgədə hərbi aktivliyin artacağını
ehtimal edərək belə bir addım atmaq məcburiyyətində qalıb. Ancaq
realda belə bir addımın atılması, yəni hərbidə müddətin uzadılması
hansı vəziyyətdə olursa olsun, bu, müharibənin qaçılmaz olduğundan
və İrəvanın xüsusilə də son zaman baş verənlərdən ehtiyat
etdiyindən xəbər verir".
Xatırladaq ki, hazırda Ermənistan ordusunda hərbi qulluqçuların əsgərlik müddəti başa çatsa da, onlar evə buraxılmırlar. Əsgər anaları isə İrəvan küçələrində etiraza qalxıblar.
Tarix
2014.12.09 / 23:16
|
Müəllif
Aygün Yusibova
|