Ana səhifə Gündəm |
13:36
Gəncədə vətəndaşlarla İcra Hakimiyyəti əməkdaşları arasında insident baş verib.
Axar.az Daxili İşlər Nazilriyinin rəsmi saytına istinadən məlumat verir ki, dekabrın 10-da saat 11.30 radələrində Gəncənin Avtozavod qəsəbəsi adlanan ərazisində Nizami rayon İcra Hakimiyyətinin əməkdaşları tərəfindən qanunsuz tikililərin sökülməsinə etiraz əlaməti olaraq həmin qəsəbədə yaşayan Kəlbəcər rayon sakinlərindən 50-60 nəfəri Gəncə-Göygöl avtomobil yolunu bağlamağa cəhd göstəriblər.
Cəhdin qarşısı alınarkən Gəncə Şəhər Baş Polis İdarəsinin 5 əməkdaşı və orada olan rayon İcra Hakimiyyətinin başçısı və müavini xəsarət almış, habelə Şəhər Baş Polis İdarəsinə məxsus 2 ədəd xidməti avtomobilin şüşələri sındırılıb.
Xəsarət alanlar Gəncə şəhər Təcili Tibbi Yardım xəstəxanasına yerləşdirilmişlər. Onlardan 2 nəfərin vəziyyəti qənaətbəxş, digərlərinə isə ilkin tibbi yardım göstərildikdən sonra buraxılılar.
Faktla əlaqədar Gəncə şəhər Prokurorluğu tərəfindən Cinayət Məcəlləsinin 315-ci maddəsi (hakimiyyət nümayəndəsinə qarşı müqavimət göstərmə və ya zor tətbiq etmə) ilə cinayət işi başlanılıb.
15:47
"Hadisə nəticəsində 4 nəfər yüngül travma ilə bağlı müraciət etmişdi. 3 nəfər daşla, 1-i isə qarın nayihəsindən küt travma almışdı. Rayon icra başçısı qapalı kəllə-beyin travması almışdı".
Bu barədə Publika.az-a məlumat verən Gəncə şəhər Təcili Tibbi
Yardım Xəstəxanasının baş həkimi Azad Quliyev bildirib ki, xəsarət
alanlara yardım göstərildikdən sonra evə buraxılıblar, icra başçısı
isə Gəncə Mərkəzi Klinik Xəstəxanasına köçürülüb.
Gəncə Şəhər Baş Polis İdarəsi və Nizami Rayon Polis İdarəsindən isə bildirildi ki, Gəncə Prokurorluğunda faktla bağlı müvafiq araşdırma aparılır.
Tarix
2014.12.11 / 15:47
|
Müəllif
Axar.az
|