Yuxarı

Nursultan Nazarbayev Bakıya gəlir

Ana səhifə Gündəm
12 Punto 14 Punto 16 Punto 18 Punto

Səfir Amangəldi Jumabayev: "Qazaxıstanla Azərbaycan hər il yüksək səviyyədə qarşılıqlı səfərlər təşkil etməyə çalışırlar"

Ötən il Qazaxıstanla Azərbaycan arasındakı ticarət dövriyyəsinin həcmi 400 mln. dollar təşkil edib.

APA-nın məlumatına görə, bunu Bakıda keçirdiyi mətbuat konfransında Qazaxıstanın ölkəmizdəki səfiri Amangəldi Jumabayev deyib.

O bildirib ki, müvafiq göstərici bu il artmayacaq.

2014-cü ildə Azərbaycan ərazisi ilə əsasən dəmir yolu vasitəsi ilə 3,5 mln. ton neftin daşındığını deyən diplomat qeyd edib ki, 2016-cı ildə "Kaşaqan" yatağının istismarına start verildikdən sonra Bakı-Tiflis-Ceyhan boru xətti ilə neft nəqlinin həcmi artacaq. Səfir həmçinin Bakı-Tiflis-Qars dəmir yolu xəttinin vacibliyini önə çəkərək bu xəttin yükdaşımaların həcminin artırılmasına kömək edəcəyini vurğulayıb.

A. Jumabayev son 1,5 il ərzində Azərbaycanla Qazaxıstan arasında aviareyslərin sayının artdığını da qeyd edib.

Qazaxıstanın Avrasiya İttifaqındakı üzvlüyünə gəldikdə isə səfir bunun digər ölkələrlə münasibətlərə müsbət təsir edəcəyini bildirib: "Qazaxıstan bazarına çıxış əldə etmiş ölkənin Rusiya və Belarus bazarlarına çıxışı olacaq".

Avrasiya İttifaqı haqqında sazişin 2015-ci ilin yanvarın 1-dən qüvvəyə minəcəyini deyən A. Jumabayev bunun Qazaxıstanın öz xarici siyasətindən imtina edəcəyi anlamına gəlmədiyini vurğulayıb: "Bu ittifaqın yaradılması bizə digər ölkələrlə münasibətlərdə yeni səviyyəyə çıxmağa imkan verəcək. Həmçinin iqtisadiyyata yeni təkan verəcək".

Qazaxıstanla Azərbaycan arasındakı siyasi dialoqa gəldikdə isə səfir qeyd edib ki, tərəflər hər il yüksək səviyyədə qarşılıqlı səfərləri təşkil etməyə çalışırlar. Diplomat bildirib ki, 2015-ci ildə Qazaxıstan prezidenti Nursultan Nazarbayevin Bakıya səfəri planlaşdırılır.

Tarix
2014.12.16 / 19:39
Müəllif
Axar.az
Şərhlər
Digər xəbərlər

XİN Kolumbiyanın Müstəqillik Gününü təbrik etdi

İlham Əliyevin bu görüşü canlı yayımlanacaq

Paşinyanın imtinası: Bakıya qarşı “2 gücün” oyunu...

Makron “haqlıdır”, Nikol o durumda deyil…

Azərbaycanın və Ermənistanın ərazi bütövlüyü… - İran

ETX Vindovsdakı problemlə bağlı məlumat yaydı

Növbəti “3+3” görüşü Türkiyədə olacaq - Sübhani

Məşhur bakılının adı Rusiya “tarix”indən silindi - Foto

Pezeşkianın göz yaşları və sevgisi… - Nyu York Tayms

Sərhəddə hərəkətlənmə: Ermənistan bu ərazilərdən çəkilir

KULT
<>
Xəbər xətti
  
  
  
  
  
  
  
  
  
Axar.az'da reklam Bağla
Reklam
Bize yazin Bağla