Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Sentyabr 2019


Müğənnidən möhtəşəm addım: Təhsil haqqını mən verəcəm

Ana səhifə Gündəm
12 Punto 14 Punto 16 Punto 18 Punto

Azərbaycan Dillər Universitetində (ADU) attestatı olmayan abituriyent tələbə adına layiq görülüb.

Bu barədə Kult.az-a ADU-dan məlumat verilib.

Universitetin Tərcümə fakültəsinin Fransız dili ixtisasına qəbul olan Orxan Bağızadə məsələyə aydınlıq gətirib. O, ailədaxili problemlərə görə təhsil hüququndan məhrum edilməsindən danışıb.

Tələbə qeyd edib ki, atası ona təhsil almağa icazə verməyəcəyini dəfələrlə deyib:

“Mən evdən çıxanda doğum haqqında şəhadətnaməni, hərbi biletimi götürsəm də, attestatımı əldə edə bilmədim. Mənə dedilər ki, attestat onlarda deyil. Ona görə də attestatla bağlı bir az problem var və hazırda attestat itmiş sayılır”.

O.Bağızadə attestatı olmadan universitetə qəbul olmasından da danışıb. Onun sözlərinə görə, bu işdə Təhsil Nazirliyinin, xüsusilə də nazir müavini Firudin Qurbanov və nazirliyin İctimaiyyətlə əlaqələr sektorunun müdiri Cəsarət Valehovun böyük rolu olub. Tələbə onu da əlavə edib ki, ADU-nun Sosial məsələlər və ictimaiyyətlə əlaqələr üzrə prorektoru Tamam Cəfərovanın da bu məslədə böyük dəstəyi olub. Tələbə sonda Təhsil Nazirliyinə, Bakı Şəhər Baş Təhsil İdarəsinə, eləcə də Dillər Universitetinin rəhbərliyinə təşəkkürünü bildirib.

O.Bağızadə ali təhsil almağa uşaqlıqdan həvəsi olduğunu və heç vaxt hazırlıq kurslarına getmədiyini, ev şəraitində hazırlaşdığını deyib. O, hətta işləməyinə baxmayaraq, gecədən səhərə kimi dərsləri ilə məşğul olub.

Gənc müğənni Mehin Hümbətova da sosial şəbəkə hesabında məsələyə münasibət bildirib. O, Orxan Bağızadənin təhsil haqqını ödəməyi öz üzərinə götürmək istədiyini deyib:

“Bu hadisənin yaşandığına görə çox təəssüf edirəm. Belə valideynlərə ayıb olsun! Övladının gələcəyi ilə oynayan, seçiminə qarışan insan valideyn adına ləkədir. Orxanı tanıyan kimsə varsa, xahiş edirəm, mənimlə əlaqələndirin. Onun təhsil haqqını öz üzərimə götürərəm”.

ADU Tələbə Həmkarlar İttifaqı Komitəsinin sədri Şahin Sərdarlı isə Orxana bir semestr boyunca hər ay 100 manat təqaüd ayrıldığını, hər ay pulsuz yemək talonları veriləcəyini və əlavə maddi yardım ediləcəyini bildirib.

Xatırladaq ki, O.Bağızadənin illik təhsil haqqı 1000 manat təşkil edir.

Tarix
2019.08.20 / 14:43
Müəllif
Büllurə Yunus
Şərhlər
Digər xəbərlər

İran səfiri təkzib etdi: Dağlıq Qarabağ erməniləri...

İsa Qəmbərdən Qəhrəmanlı olayına maraqlı yanaşma

Deputatın borc qalmaqalı böyüdü: Başqalarından da alıb...

Azay Quliyev seçiciləri ilə görüşdü - Foto

Fuad Qəhrəmanlının xanımını döyməsi ilə bağlı - Fotofakt

Pompeonun Əliyevə məktubunda iki mühüm məqam

Ermənilərin məhsulunu Bakıya gətirən və satan şəbəkə - Video

Selcanı müdafiə etdik, elə təhqirlər yazdılar ki... – Cəfəroğlu

Qəhrəmanlının “ailə məsələsi” niyə ictimailəşdi?

Ermənilər Bakıda meydan sulayır: DİN-ə müraciət edildi

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla