ABŞ-ın Dövlət katibi Mayk Pompeo “Əsrin müqaviləsi”nin imzalanmasının 25-ci ildönümü münasibətilə Prezident İlham Əliyevə göndərdiyi məktubda xatırladır ki, ABŞ Azərbaycanın bütün enerji layihələrini dəstəkləyir.

Axar.az xəbər verir ki, bunu analitik Elxan Şahinoğlu qeyd edib. O, Pompeonun Azərbaycan Prezidentinə göndərdiyi məktubun əhəmiyyətindən bəhs edib:

“Məktubda əsas cümlə budur: “Avropanın enerji təhlükəsizliyində strateji rol oynayan və Cənub Qaz Dəhlizinə təkan verən Azərbaycan yenidən aparıcı rol oynamağa davam edir”. Bu cümlədə Azərbaycanın keçmişdəki və gələcəkdəki rolu yüksək qiymətləndirilib. Ümumiyyətlə, məktubun məzmununun iki ana xətti var: Birincisi, Vaşinqton xatırladır ki, ABŞ Azərbaycanın bütün enerji layihələrini dəstəkləyir və bu dəstək artacaq. İkincisi, Vaşinqton bu layihələrə dəstək vasitəsilə Azərbaycanla siyasi və hərbi sahədə də strateji əlaqələri üst səviyyəyə qaldırmaq istəyir. Təsadüfi deyil ki, Vaşinqtonun Azərbaycana hərbi məqsədlər üçün ayırdığı maliyyə artıb”.

Qeyd edək ki, bundan əvvəl ABŞ-ın Dövlət katibi Maykl Pompeo “Əsrin müqaviləsi”nin imzalanmasının 25-ci ildönümü münasibətilə Azərbaycan Respublikasının Prezidenti İlham Əliyevə təbrik məktubu ünvanlayıb