"Azərbaycan baş verəcək konfliktlər zamanı o güc kifayət qədər ciddi çağırışların qarşısını almağa qadirdir".

Bu sözləri Axar.az-a açıqlamasında Mixail Saakaşvilinin Gürcüstan Vahid Milli Hərəkat Partiyasının üzvü, keçmiş deputat Ramin Bayramov söyləyib.

O, NATO-nun öz hərbi bazasını Cənubi Qafqazda açacağına inanmadığını söyləyib.

"Bu, real görünmür. Bu gün Azərbaycanın buna ehtiyacı yoxdur. Belə ki, ölkənin hərbi gücü gözlənildiyi kimi getdikcə artır. Baş verəcək konfliktlər zamanı o güc kifayət qədər ciddi çağırışların qarşısını almağa qadirdir. Gürcüstana gəlincə isə bu onun üçün ən ideal variant olardı. Amma hökumətin buna hansı yöndən baxması artıq böyük sualdır. Aydındır ki, Gürcüstan hakimiyyəti özünün strategiyasını Kremlin maraqları üzərində qurur. Rusiyanın buraya hərbi müdaxiləsi olacağı halda NATO qüvvələrinin Qafqaza yerləşdirilməsi mümkündür. Bu tip nəzəriyyənin reallaşdırılması isə azca da olsa, Zaqafqaziyada digər qonşularımızın mövqeyindən asılıdır".