Axar.az
Yuxarı

Bayramov: “Bu, ölkəni Kremlə vermək deməkdir”

Ana səhifə Gündəm
12 Punto 14 Punto 16 Punto 18 Punto

"Putin Bakının imkanlarını nəzərə almalıdır".

Bu sözləri Axar.az-a açıqlamasında Mixail Saakaşvilinin Gürcüstan Vahid Milli Hərəkat Partiyasının üzvü, keçmiş deputat Ramin Bayramov söyləyib.

O, Gürcüstanın iradəsinin qırılması üçün uzun müddətli planın hazırlandığını bildirib:

"Gürcüstanda Kremlin kadrları tərəfindən Saakaşvili dövründən qalma məmurları, onun tərəfdarlarını tutmaqla dövlət strukturuna ziyan vurmaları yeni hal deyil. Bu proses "Gürcü arzusu"nun hakimiyyətə gəlməsindən sonra başlayıb. Beşinci kolon tam şəkildə öz proqramını həyata keçirməkdədir. Hazırkı hakimiyyətin siyasətinin əsasında ölkənin xarici siyasətini dəyişməklə Rusiyaya istiqamətlənmək dayanıb. Dövlətin Avropaya yönəlmiş kursunu qırmağı həyata keçirmək o qədər də asan məsələ deyil. Artıq bunu ölkə rəhbərliyi də anlayıb. Gürcü xalqını aldatmaq olar, amma onun azadlıq, suverenlik və ölkənin bütövlüyü ilə bağlı prinsiplərini sındırmaq olmaz. Ona görə də uzun müddətli plan hazırlanıb. NATO istiqamətindəki uğursuzluqdan sonra KİV, QHT, müxalifət partiyaları, biznes, hakimiyyətin iradəsinə tabe olmayan qruplara hücumlar, insanların azadlığına vurulmuş dəqiq zərbələr yaxın zamanlarda inanılmaz miqyas alacaq. Gürcüstanı NATO-nun orbitindən çıxarmaq Tiflisi birbaşa Kremlin ayaqları altına qoymaq deməkdir. Bu, əsas məqsəddir. Əsas missiya isə bütün Cənubi Qafqazın birdəfəlik ayaqlar altına alınmasıdır".

R.Bayramov Kremlin Bakıya qarşı Qarabağdan bütün istiqamətlərdə istifadə edəcəyini deyib:

"Azərbaycan Kremlin gözündə sonuncu qurbandır. Gürcüstandan fərqli olaraq, Bakının iradəli mövqeyi nəticəsində Azərbaycan Rusiyaya sərt müqavimət göstərməyə qadirdir. Sözsüz ki, Kremlin əlində olan əsas kozırlardan biri Azərbaycanla Ermənistan arasında olan konfliktdir. Burada da Putinin istəkləri əsasında İrəvan hərəkət edir. Amma Bakının imkanlarını nəzərə almamaq olmaz. Burada əsas diqqət olunası şey Azərbaycanın güclü partnyoru və qardaşı olan Türkiyə, həmçinin Bakının özünün hərbi gücüdür. Azərbaycan rəhbərliyinin çevik siyasəti Bakının uzun illər boyunca ülgücdən uğurla yan keçərək bölgədəki əsas oyunçuların maraqlarına xələl gətirmədən özünə divident toplamağı bacarmasına səbəb olub. Məncə, Ukraynadakı hadisələrin sonrakı cərəyanı Kremlin işğal siyasətinin coğrafi baxımdan genişlənməsi məsələsində həlledici rol oynayacaq. Bundan sonrasını isə Bakının sərt mövqeyi tutacaq".

Tarix
2015.02.11 / 09:09
Müəllif
İlkin Həsənov
Şərhlər
Digər xəbərlər

Bu ərazilərdən 400-dən çox erməninin cəsədi çıxarıldı

Hamı Bakının bu təklifini qəbul etməlidir - Çavuşoğlu

Erməni hərbçilər Rusiya ordusuna meydan oxudu - Video

Anadolu agentliyi Ağdamı belə görüntülədi - Video

Ermənilər Laçının neçə kəndini boşaldıb?

Prezidentdən qərar: Məişət zorakılığına məruz qalanlar...

Ordumuz qızıl yatağına niyə girdi? – Şərh

Bakıda həkimlərin maaşı bu tarixə kimi artırıldı

Rusiya Qarabağa yardımları dəmir yolu ilə daşımaq istəyir

Türkiyə partiyalarından Fransa Senatının əleyhinə - Bəyanat

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla