"Xocalı soyqırımı bütün bəşəriyyətə qarşı həyata keçirilmiş cinayətdir".

Axar.az xəbər verir ki, bu açıqlama ilə millət vəkili Fuad Muradov çıxış edib. Millət vəkili "Xocalıya ədalət"dən heç vaxt usanmayacağını bildirib:

"Bugün İsrailin Akko şəhərində Xocalı soyqırımının 23-cü ildönümü ilə əlaqədar anım mərasimində iştirak etdik. Xocalı bizim ən böyük yaramız, dərdimiz, qan yaddaşımızdır. Xocalı faciəsi ən yeni tarixdə insanlığa, bəşəriyyətə qarşı həyata keçirilmiş əsl qətliam, cinayət və vəhşilikdir. Məsum körpələrə, köməksiz ahıllara, hamilə qadınlara qarşı belə soyqırımların gələcəkdə dünyanın heç bir yerində baş verməməsi üçün Xocalı faciəsi öyrənilməli, soyqırım kimi tanınmalı, cinayətkarlar cəzalandırılmalıdır! Biz "Xocalıya ədalət" üçün çalışmaqdan, danışmaqdan yorulmadıq və bu amalımızdan heç vaxt çəkilməyəcəyik! Allah bütün şəhidlərimizə rəhmət etsin!"