Salyan Rayon Prokurorluğunda "Nurgün" Holdinqin vitse-prezidenti Müşfiq Səfiyevin ölümü ilə bağlı araşdırma başlayıb.

Bu barədə Axar.az Salyan Rayon Prokurorluğundan məlumat verilib.

Prokurorluğun mətbuat xidmətindən isə araşdırma ilə bağlı hələlik açıqlama verə bilməyəcəklərini bildiriblər:

"Araşdırma aparılır. Araşdırma yekunlaşandan sonra məlumat veriləcək. Mərhum yüksək qan təzyiqindən əziyyət çəkib. Ölən zaman da yanında istifadə etdiyi dərmanlar olub".

"Nurgün" Holdinqdən isə rəhbərliyin hələlik məsələ ilə bağlı heç bir açıqlama yaymadığını və başlarının yas mərasiminə qarışdığı bildirdilər.

Məlumata görə, mərhumun yas mərasimi sabah saat 2-də Cümə məscidində olacaq.

Qeyd edək ki, "Nurgün" şirkətlər qrupunun vitse-prezidenti Müşfiq Səfiyevin üzərində zorakılıq olmayan meyiti dünən saat 17:00 radələrində Salyan Olimpiya-İdman Kompleksinin mehmanxanasında aşkarlanıb.

Mərhumun cəsədinin ətrafında istifadə etdiyi dərmanlar səpələnibmiş. 50 yaşlı Müşfiq Səfiyev yüksək qan təzyiqindən əziyyət çəkdiyi üçün onun beyninə qan sızdığı ehtimal olunur.

Qeyd edək ki, mərhum M.Səfiyev tanınmış şair Əli Vəkilin oğludur.